बिर्तामोड । जिल्ला प्रहरी कार्यालय झापाकी प्रमुख प्रहरी उपरीक्षक बसुन्धरा खड्कासहित तीन अग्रणी महिला सम्मानित भएका छन् । खड्कासहित सञ्चारकर्मी तथा साहित्यकार लिला अनमोल र मेचीमहाकाली क्यान्सरपीडित साइकल यात्री नमिता बस्नेतलाई सम्मान गरिएको हो ।

सम्पूर्ण स्त्री रोगसम्बन्धि उपचार सेवा दिँदै अएको बिर्तामोडस्थित डा. प्रियङ्काज क्लिनिकको तेस्रो बार्षिकोत्सवको अवसरमा उनीहरु सम्मानित भएका हुन् । उनीहरुले समाजमा खेलेको उदाहरणीय भूमिकाको उच्च मुल्याङ्कन गर्दै सम्मान गरिएको डा. प्रियङ्काज क्लिनिकका प्रबन्ध निर्देशक डा. प्रियङ्का कट्वालले बताइन् । सम्मानित व्यक्तित्वलाई कार्यक्रमका अध्यक्ष तथा क्लिनिककी प्रबन्ध निर्देशक कट्वाल, कार्यक्रमका प्रमुख अतिथी बिर्तामोड नगर प्रमुख पवित्रादेवि महतारा प्रसाई, साहारा नेपालका कार्यकारी प्रमुख महेन्द्र गिरीलगायतले सम्मान गरेका थिए ।

कार्यक्रममा डा. प्रियङ्काज क्लिनिकलाई सहयोग गर्ने कर्मचारीहरू तारा लिम्बू, गीता लिम्बू, अपना तामाङ र कल्पना लिम्बूलाई कदर पत्र प्रदान गरिएको थियो भने अन्य कर्मचारीलाई मायाको चिनो प्रदान गरिएको थियो ।

कार्यक्रममा एडभान्स पेन स्पेयलिष्ट क्लिनिककी डा। निरु नेपाल, सम्मानित व्यक्तित्वहरु र कार्यक्रमका विशिष्ट अतिथी साहारा साकोसका कार्यकारी प्रमुख गिरीलगायतले शुभकामना मन्तव्य राखेका थिए ।

सन्ध्याकालिन कार्यक्रममा क्रिसला खतिवडा, चन्द्रकला चौहान, बिमला राजवंशी, खुशी खत्रीलगायतले मनोरञ्जनात्मक सांगीतिक प्रस्तुती राखेका थिए ।

कार्यक्रममा सहभागीहरुलाई डा. पुष्पक रेग्मीले धन्यवाद दिएका थिए भने कार्यक्रमको सञ्चालन पलाक्षी रेग्मीले गरेकी थिइन् ।