बिर्तामोड । झापाको कनकाई नगरपालिकास्थित माइ खोलामा लागेको मेला हेर्न जाँदै गरेको गाडी दुर्घटना हुँदा थप एक जनाको मृत्यु भएको छ ।

भद्रपुर ८ बस्ने बर्ष ४० की सुस्मा राजवंशीको उपचारको क्रममा मृत्यु भएको हो । दुर्घटनामा परि उनको दाहिने हात र खुट्टा भाँचिनुका साथै टाउकोमा चोट लागि अवस्था गम्भिर थियो । उनको बिएण्डसी अस्पतालमा उपचारको क्रममा ११ः३० बजे मृत्यु भएको जिल्ला प्रहरी कार्यालय झापाले जनाएको छ । यस अघि उनको डेढ बर्षीय छोरा आरुति राजवंशीको मृत्यु भइसकेको छ भने पति आफुद राजवंशीको अवस्था गम्भीर रहेको छ ।

माइ मेला हेर्न जाँदै गरेको मे १ च ४५१५ नम्बरको पिकअप (मालबाहक) गाडी र माईधारबाट बिर्तामोडतर्फ आउँदै गरेको ना ५ ख २१४९ नम्बरको बस बिहीबार विहान अन्दाजी ९ः३० बजे कनकाई ३ स्थित नयाँ बस्तीमा दुर्घटना भएको थियो । दुर्घटनामा परि १४ जना घाइते भएका थिए । घाइतेहरुको बिर्तामोडस्थित बिएण्डसी अस्पताल र बिर्ता सिटी अस्पतालमा उपचार भइरहेको प्रहरीले जनाएको छ ।

यो पनि पढ्नुहोस

कनकाईमा बस दुर्घटना, एक बालकको मृत्यु ३ जनाको अवस्था गम्भीर