बिर्तामोड । इलाका प्रहरी कार्यालय दमकबाट फरार भएका एक जना थुनुवा पक्राउ परेका छन् । दमक नगरपालिका वडा नम्बर ८ बस्ने २८ बर्षीय राजिप मण्डललाई प्रहरीले पक्राउ गरेको हो ।

लागूऔषध मुद्धाका थुनुवा मण्डल जेनजी आन्दोलनका क्रममा भदौ २४ गते फरार भएका थिए । उनलाई प्रहरीले बिहीबार दिउँसो अन्दाजी ४ः३० बजे दमक–७ पशुहाटबाट पक्राउ गरिएको जिल्ला प्रहरी कार्यालय झापाले जनाएको छ । पक्राउ परेका मण्डललाई इप्रका दमकको हिरासतमा राखि अनुसन्धान भइरहेको प्रहरीले जनाएको छ ।