झापा । नेपाल प्रहरीले नेपाली कांग्रेसकी सांसद माया राई पक्राउको जानकारी संसद सचिवालयलाई गराएको छ ।

जिल्ला प्रहरी परिसर काठमाण्डौका अनुसन्धान अधिकारी हरि खतिवडाका अनुसार स्वर्णलक्ष्मी बहुउद्देश्यीय सहकारी प्रकरणमा फरार रहेकी राईलाई १३ गते पक्राउ गरिएको उल्लेख छ ।

राईराई हिरासतमा राखि थप अनुसन्धान भइरहेको जानकारी सचिवालयलाई गरिएको हो । यो सँगै राई अब निलम्बित हुनेछिन् ।

उक्त सहकारी ठगी प्रकरणमा जीवी राई फरार रहेका छन् । रवि लामिछाने र छविलाल जोशी भने धरौटीमा रिहा भएका छन् ।

फरार सूचीमा रहेकी राईले नियमित भत्ता बुझ्दै आएको र सत्ताको आडमा पक्राउ नपरेको चौतर्फी दबाबपछि प्रहरीले राईलाई पक्राउ गरेको हो ।