वैशाख १३ गते झापा जिल्ला सहकारी संघको ८औँ सञ्चालक समितिको निर्वाचन हुँदैछ । सहकारी अभियान सहि बाटोमा गएन भनेर विभिन्न आक्षेपहरु लागि रहेको र सहकारीमाथि संकट आइरहेको परिस्थितीमा अभियानको नेतृत्वमा रस्साकस्सी भइरहेको छ । संस्थाको सांगठानिक जिम्मेवारी रहने सचिव पदमा नेकपा एमालेको तर्फबाट लक्ष्मीप्रसाद बास्कोटाले उम्मेदवारी दिएका छन् ।

कस्तो छ बास्कोटाको पृष्ठभूमि ?

विसं. २०३० सालमा तेह्रथुम जिल्लाको चुहानडाँडामा जन्मिएका लक्ष्मीप्रसाद बास्कोटाले तेह्रथुम क्याम्पसबाट स्नातकसम्मको अध्ययन गरेका छन् । विद्यार्थी जिवनबाट नै राजनीतिमा लागेका बास्कोटाले विभिन्न सामाजिक कार्यमा नेतृत्वदायी भूमिका निर्वाह गरिसकेका छन् । उनी सपरिवार २०५८ सालदेखि झापाको बिर्तामोड–५ सुब्बाचोकमा स्थायी बसोबास गर्दै आएका छन् । सामाजिक कार्यमा सक्रिय बास्कोटाले २०७० को दशकमा उद्योग वाणिज्य संघ बिर्तामोडमा एक कार्यकाल सदस्यको रुपमा काम गरिसकेका छन् ।

बास्कोटा २०७४ सालको स्थानीय चुनावमा बिर्तामोड वडा नम्बर ५ को वडासदस्यको रुपमा जनप्रतिनिधीको समेत भूमिका कुशलतापूर्वक निभाईसकेका व्यक्ति हुन् । बास्कोटासँग सहकारी अभियानसँगै जेसिज, लायन्सक्लब आदि सामााजिक संघसंस्थाको समेत अनुभव छ ।

२०६६ सालदेखि सहकारी अभियानमा प्रत्यक्ष जोडिएका बास्कोटा बिर्तामोड ५ स्थित मिलनसार बचत तथा ऋण सहकारी संस्थाको ऋण उपसमितिको जिम्मेवारीमा २०७२ सालसम्म काम गरेका थिए । त्यसयता सोहि संस्थाको अध्यक्षमा अनवरत क्रियाशिल छन् । बास्कोटाले सहकारीसम्बन्धि विभिन्न गोष्ठि, कार्यशाला, सेमिनार, तालिमआदिमा सहभागी भएर सहकारी अभियानसँग सम्बन्धित थुप्रै अनुभव हासिल गरिसकेका छन् । बास्कोटा अभियानसँगै उद्योग वाणिज्य क्षेत्रमा समेत नेतृत्वदायी भूमिकामा छन् । 

बास्कोटाले सचिव पदमा विजयी गराई अभियानलाई थप उचाइमा पुर्याउन आम मतदातासँग अपिल गरेका छन् ।