बिर्तामोड । झापा जिल्ला सहकारी संघ लि.को सञ्चालक समितिको निर्वाचन चैत्र २८ गतेलाई तय गरिएको छ । पटक पटक स्थगन गरिँदै आएको निर्वाचन कार्यक्रम तेस्रो पटक २८ गतेका लागि तय गरिएको हो ।

निर्वाचन तालिकाअनुसार चैत्र २३ गते मनोनयन गरिने र २८ गते निर्वाचन हुने छ । सर्वसम्मत नेतृत्व चयनका लागि लामो समय पहल भएपनि सम्भव नभएपछि निर्वाचन हुन लागेको स्रोतको दाबी छ । सर्वसम्मत नेतृत्व चयनकै लागि यस अघि दुई पटकको निर्वाचन तालिका सारिएको थियो ।

सत्ताघटक दल निकट समूह एकातिर र प्रतिपक्षी दल निकट समूह अर्को तिर भएपछि अन्ततः निर्वाचन हुन लागेको हो ।