बिर्तामोड । झापाको मेचीनगरमा झाडीमा फालिएको अवस्थामा नवजात शिशु फेला परेको छ । बिहीबार बिहान मेचीनगर नगरपालिका वडा नं. १० निन्दा खोला नजिकै झाडीमा सालनाल सहितको नवजात शिशु फेला परेको हो ।

कमिलाले टोकी रहेको रगताम्य अवस्थामा नजवात शिशु (छोरी)लाई  मर्निङवाक गर्ने क्रममा मेचीनगर नगरपालिका वडा नम्बर ११ बस्ने बर्ष ३७ की ईन्दिरा प्रसाई (अधिकारी)ले फेला पारि इलाका प्रहरी कार्यालय धुलाबारीमा बुझाएको र मेचीनगर नगरपालिका १० नम्बर वडा कार्यालयसँग आवश्यक समन्वय गरी वडा कार्यालयलाई जिम्मा लगाइएको जिल्ला प्रहरी कार्यालय झापाले जनाएको छ । शिशुको अवस्था सामान्य रहेको र घटनाको सम्बन्धमा थप अनुसन्धान कार्य जारी रहेको जिप्रका झापाका सुचना अधिकारी प्रहरी नायव उपरीक्षक कृष्णकुमार चन्दले जानकारी दिए ।