बिर्तामोड । झापाको उत्कृष्ट ब्राण्ड गणपति बेकर्सको आउटलेट चन्द्रगढीमा खुलेको छ । आइतबारदेखि औपचारिक रुपमा तेस्रो आउटलेट चन्द्रगढीमा सञ्चालनमा आउन लागेको हो ।

शनिबार पत्रकार सम्मेलन गरी आउटलेटको बारेमा जानकारी दिइएको छ । ‘फ्रेञ्चाइज मोडेलमा एक्स्लुसिभ आउटलेट शुरु गरेका हौं,’ गणपतिका सञ्चालक राजु ढकालले भने । चन्द्रगढी विमानस्थल गेट अगाडी रहेको क्याफे बिडीपी (भद्रपुर)ले गणपतिको फ्रेञ्चाइज लिएको क्याफेका सञ्चालक रियाज ढकालले जानकारी दिए ।

यस आउटलेटमा गणपतिको मेनुमा पिज्जा नेपोलिटाना र बेभरेजहरु थप हुने अर्का सञ्चालक कृपा ढकालले जानकारी दिइन् । ढकालका अनुसार कन्टिनेन्टल फुडसमेत उपलब्ध हुनेछ ।

सन् २०१२ मा बिर्तामोडमा स्थापित गणपति बेकरी प्रालिले पछिल्लो समय फ्रेञ्चाइज मोडलमा सेवा विस्तार गरिरहेको छ । लिडिङ बेकरी उद्योगको रुपमा आफुलाई स्थापित गर्न सफल गणपतिको यस अघि बिर्तामोडमा (क्याफे बिटीएम) र काँकरभिट्टामा (क्याफे केभिटी) आउटलेट सञ्चालनमा आइसकेको छ ।

करिब ७० लाखको लगानीमा आउटलेट शुरु गरेको सञ्चालकले जानकारी दिए । सञ्चालकका अनुसार क्याफेमा बैठक, सभासम्मेलनका लागि हलको समेत सुविधा रहेको र क्याफेबाट फ्रेस केकसमेत डेलिभरीको व्यवस्था रहेको छ । क्याफे पर्यटकीय क्षेत्रमा रहेको भएपनि मुल्यमा भने अन्य आउटलेट भन्दा फरक नभएको बताइएको छ ।

औपचारिक उद्घाटन पश्चात क्याफे आइतबार विहानबाट सञ्चालनमा आउने छ ।