बिर्तामोड । झापाको बाह्रदशीमा श्रीमानले धारिलो हतियार प्रहार गर्दा श्रीमतीको मृत्यु भएको छ । बाह्रदशी गाउँपालिका वडा नम्बर १ का देवनारायण राजवंशीको खुकुरी प्रहारबाट ३२ बर्षीया श्रीमती मोमसरी राजवंशीको मृत्यु भएको प्रहरीले जनाएको छ ।

बिहीबार बिहान साढे ६ बजे देवनारायणले श्रीमती मोमसरीको घाँटी र ढाडमा खुकुरी प्रहार गर्दा उनको घटनास्थल मै मृत्यु भएको जिल्ला प्रहरी कार्यालय झापाका सुचना अधिकारी प्रहरी नायव उपरीक्षक कृष्णकुमार चन्दले जानकारी दिए । घरायसी विवादका कारण घटना भएको प्रारम्भिक अनुसन्धानबाट खुलेको उनले बताए ।

घटनामा संलग्न देवनारायणलाई पक्राउ गरेको र घटनामा प्रयोग भएको खुकुरीसमेत प्रहरीले बरामद गरेको डीएसपी चन्दले जानकारी दिए । देवनारायण केहि समय अघिमात्र विदेशबाट फर्किएको र उनीहरुको एक जना छोरा रहेको प्रहरीले जनाएको छ ।