बिर्तामोड ।  २४औँ अन्तर्राष्ट्रिय आमन्त्रण बुढासुब्बा गोल्डकप प्रतियोगिताको फाइनल खेल आज हुँदैछ । धरान रङ्गशालामा उपाधिका लागि एनआरटी र मोरङ फुटबल एसोसिएसन प्रतिस्पर्धा गर्दैछन् ।

बुढासुब्बा गोल्डकपको १०औ संस्करणको उपाधि उचालेको एनआरटीले २४ औँ संस्करणमा आइपुग्दा दोस्रो पटक उपाधि नजिक पुगेको हो भने मोरङ पहिलो पटक फाइनल पुगेको हो ।

विभागीय त्रिभुवन आर्मी र गत वर्षको उपबिजेता काँकडभिट्टा फुटबल ट्रेनिङ सेन्टरलाई पराजित एनआरटी फाइनलमा पुगेको हो भने चार पटकको विजेता नेपाल पुलिस र आयोजक धरानलाई हराउँदै मोरङ फुटबल एशोसिएसन फाइनलमा पुगेको हो ।

धरान फुटबल क्लबको आयोजनामा भइरहेको खेलको विजेताले ट्रफीसहित नगद १० लाख र उपविजेताले नगद ५ लाख पुरस्कार पाउनेछ ।