बिर्तामोड । झापा गोल्डकपले पुरस्कार राशी वृद्धि गरेको छ । विजेताले १३ र उपविजेताले ७ लाख रुपैँया प्राप्त गर्ने आज बिर्तामोडमा पत्रकार सम्मेलन गरी आयोजकले जानकारी दिएको हो ।

बिर्ताबजारको डोमालाल राजवंशी रङ्गशालामा हुने प्रतियोगिताको विजेता, उपविजेता तथा विधागत खेलाडीले पाउने पुरस्कार यो वर्ष बढाइएको अध्यक्ष विनोद बस्नेतले जानकारी दिए । पाँचौ श्रृङ्खलाको पुरस्कार राशीमा ५० हजार रुपैँया वृद्धि गरिएको उनले बताए । त्यस्तै, मस्ट भ्यालुएबल प्लेयरलाई एकथान मोटरसाइकल प्रदान गरिने महासचिव गजेन्द्र पौडेलले जानकारी दिए ।

त्यस्तै, प्रतियोगिताका उत्कृष्ट गोलकिपर, उत्कृष्ट डिफेन्डर, उत्कृष्ट मिडफिल्डर, उत्कृष्ट प्रशिक्षक र उच्च गोलकर्ताले २५ हजार रुपैयाँ पुरस्कार पाउनेछन् । प्रत्येक खेलको प्लेयर अफ द म्याचले नगद ११ हजार रुपैयाँ पाउनेछन् ।

छैटौँ झापा गोल्डकप आगामी फागुन १९ देखि २८ गतेसम्म सञ्चालन हुनेछ ।