बिर्तामोड । नेपाल इङ्गिलस ल्याङ्गवेज टिचर्स एसोशिएसन (नेल्टा) झापाले नयाँ सदस्यहरुलाई स्वागत गरेको छ । शनिबार आयोजित एक कार्यक्रमका बिच नेल्टाले आफ्ना नयाँ सदस्यहरुलाई स्वागत गरेको हो ।

जामनुखाडी सिमसारमा आयोजित एक कार्यक्रमका बिच नेल्टा झापामा आबद्ध सदस्यहरुलाई स्वागत गरिएको थियो । नेल्टा झापाका नवनिर्वाचित अध्यक्ष प्रकाश पराजुली, कार्यक्रमका प्रमुख अतिथी तथा नेल्टाका केन्द्रीय सदस्य डा. भिम गौतम, विशिष्ठ अतिथी तथा केन्द्रीय सदस्य धर्मेन्द्र भट्टराईले उनीहरुलाई खदा र अबिर लगाएर स्वागत गरेका थिए ।

नयाँ सदस्यहरुलाई  कार्यक्रमका अतिथीहरु धर्मेन्द्र भट्टराई र केशव मैनालीले बधाइ तथा शुभकामना दिएका थिए ।

प्रमुख अतिथी गौतमले नेल्टा झापाको नवनिर्वाचित कार्यसमितिको सफलताको शुभकामना दिनुका साथै नयाँ सदस्यहरुलाई बधाई दिए । झापा भाषिक दृष्टिकोणले उर्वर भूमी भएको उल्लेख गर्दै दोस्रो भाषाको रुपमा रहेको अंग्रेजी भाषालाई समुदायमा सफलतापूर्वक सिकाउने कुरामा नेल्टाले गरेको प्रयत्नको प्रशंसा गरे । झापामा २५ बढी भाषा बोलिने भन्दै आफुले अल्प संख्यकको रुपमा रहेको कुर्मीहरुले बोल्ने कुर्माली भाषाको अनुसन्धान गरिरहेको जानकारी दिए ।

नेल्टा झापा अध्यक्ष पराजुलीले सम्पूर्ण सदस्यहरुको सहयोगले मात्र नेल्टाले गन्तव्यमा पुग्न सक्ने बताए । स्वागतका साथै वनभोजसमेत रहेको कार्यक्रमलाई सहयोग गर्ने लाइमलाइट एजुकेशन एण्ड भिषा सर्भिसेसका सञ्चालक मध्येका दिपक वाग्ले, द व्युटी वर्ल्ड र न्यू नमस्ते फास्ट फुड एण्ड सेकुवा कर्नर बिर्तामोडलाई उनले धन्यवाद दिए । कार्यक्रम संस्थाका सचिव केशव उप्रेतीले सञ्चालन गरेका थिए । 

कार्यक्रममा ५० जनाभन्दा बढीको सहभागिता रहेको थियो ।