बिर्तामोड । अङ्ग्रेजी भाषा शिक्षकहरूको सङ्गठन नेल्टा झापाको पद हस्तान्तरण कार्यक्रम सम्पन्न भएको छ । नव गठित कार्यसमितिको पद हस्तान्तरण शनिबार सम्पन्न भएको हो ।

नेल्टा झापाको केहि दिन पहिले सम्पन्न जिल्ला सम्मेलनबाट प्रकाश पराजुलीको नेतृत्वमा नयाँ जिल्ला कार्यसमिति गठन गरिएको छ । नवगठित जिल्ला समितिको उपाध्यक्षमा भोजप्रसाद भट्टराई, सचिव केशव उप्रेती, सहसचिव संगीता बस्नेत र कोषाध्यक्षमा वत्सल भट्टराई चयन भएका छन् ।

यसैगरी सदस्यहरूमा पुण्यमाता खतिवडा, तारा लाबुङ, अनुप शर्मा, खेमराज आचार्य, समीक्षा गौतम, राजेन्द्र अधिकारी, दिपेन लिम्बु, दीपक शर्मा वाग्ले, रामप्रसाद पराजुली र अमिर कुमार तिम्सिना रहेका छन् ।

सम्मेलनले नेल्टा झापाका निवर्तमान अध्यक्ष धर्मेन्द्र भट्टराई को संयोजकत्वमा पाँच सदस्यीय सल्लाहकार समिति समेत गठन गरेको छ । समितिका सदस्यहरूमा केशव प्रसाद मैनाली, रुद्रबहादुर थापा, टिका प्रसाद सुवेदी र जेनी राई रहेका छन् ।

शनिबार बिर्तामोडमा आयोजित एक समारोहका बीच निवर्तमान अध्यक्ष धर्मेन्द्र भट्टराईले नवनिर्वाचित अध्यक्ष प्रकाश पराजुलीलाई माइन्युट हस्तान्तरण गरी पद हस्तान्तरण गरेका हुन् ।

सात वर्षअघि गठन भएको नेल्टा झापाले विभिन्न गतिविधी सञ्चालन गरिरहेको छ ।