बिर्तामोड । युवा व्यवसायी बिरु दर्नालले सञ्चालन गरेको गोर्खा टेलरिङले १०औँ बार्षिकोत्सव सप्ताह मनाइरहेको छ । टेलरिङ व्यवसायमा थप आकर्षण थपेका दर्नालले गोर्खाको १०औँ बार्षिकोत्सव सप्ताह मनाइ रहेका छन् ।

गोर्खा फाउण्डेशन मार्फत दर्नालले गोर्खा टेलरिङ सञ्चालन गरिरहेका छन् । दर्नालले केहि समय अघि गोर्खालाई हिकोला रोडबाट शनिश्चरे रोडहुँदै अतिथी सदन जाने रोडमा स्थानान्तरण गरेका छन् । उनले असोज २८ देखि आगामी ६ गतेसम्म बार्षिकोत्सव सप्ताह मनाईने बताएका छन् ।

स्वदेशमा नै केहि गर्नुपर्छ भन्ने सोँचका साथ व्यवसायलाई थप विशिष्टिकृत गर्दै लगिएको उनले बताए । ग्राहकको आवश्यकता अनुसार समय र स्थानमा कपडा उपलब्ध गराउन आफु दृढ रहेको उनले सुनाए । झापाको कुनैपनि स्थान र इलामसम्म ग्राहकको सामान डेलिभरी गरिने उनको भनाई छ ।

नेपाली उत्पादनलाई ब्राण्डिङ गर्न गोर्खा टेलरिङ लागिरहेको उनले बताए । दर्नालका अनुसार गोर्खाले नेपालमा उत्पादन हुने अल्लो र खाडीको कपडालाई प्राथमिकताका साथ ब्राण्डिङ गरिरहेकोछ ।