बिर्तामोड । प्रहरीले १२ बर्षपछि डाका र जबरजस्ती करणी मुद्दाका फरार अभियुक्तलाई पक्राउ गरेको छ । कनकाई ४ बस्ने ७७ बर्षीय धनपति ढुङ्गानालाई प्रहरीले पक्राउ गरेको हो ।

ढुङ्गानालाई २०६७ साल पुष १३ गते डाका र जबरजस्ती करणी अभियोगमा ६ बर्ष कैद र ७५ हजार रुपैँया जरिवाना हुने अदालतले फैसला गरेपनि उनी फरार रहँदै आएको जिल्ला प्रहरी कार्यालय झापाले जनाएको छ । फरार ढुङ्गानालाई सोमबार पक्राउ गरी सजाय भुक्तानका लागि कारागार कार्यालय चन्द्रगढी पठाइएको जिल्ला प्रहरी कार्यालय झापाका प्रवक्ता डीएसपी वसन्त पाठकले जानकारी दिए ।