बिर्तामोड । झापाको मेची  अञ्चल अस्पतालमा पहिलो पटक जोर्नीको सफल प्रत्यारोपण (हिप आर्थोप्लाष्टि) भएको छ । अस्पतालले हल्दिबारी ४ का ५५ बर्षीय सुरेन मेचेको दाहिने कम्मरको जोर्नीको सफल प्रत्यारोपण गरेको हो ।

फागुन ४ गते  मोटरसाइकल दुर्घटनामा परेर मेचेको जोर्नी भाँचिएको थियो ।

अस्पतालका अर्थोपेडिक डाक्टर विजय भुजेल, अर्थोपेडिक डाक्टरहरु प्रकाश कुमार श्रेष्ठ र डाक्टर रमेश श्रेष्ठ, एनेस्थेसिया डाक्टर प्राण श्रेष्ठको टोलीले शल्यक्रिया गरेका थिए ।