काठमाण्डौ । नेपालमा पहिलोपटक क्यान्सर रोग विरुद्धको औषधि (एन्टिक्यान्सर ड्रग) उत्पादन गर्न थालिएको छ । टिजिग फर्मा प्रालिले नेपालमै पहिलो पटक क्यान्सर रोग विरुद्धको औषधि उत्पादन थालेको हो ।

टिजिगका कार्यकारी निर्देशक शैलेश वैद्यले स्वदेशभित्रै बिक्री वितरण गर्न विभागबाट तीनवटा मोलिक्युलको मार्केट लाइसेन्स प्राप्त गरेको बताए । उनले विदेशमा निर्यात गर्न पनि थप एउटा मोलिक्युलको स्वीकृति पत्र प्राप्त भएको जानकारी दिए । वैद्यले क्यान्सर रोग विरुद्धको औषधि नेपालमै उत्पादन गरी स्वदेशी र विदेशी बजारमा पठाउने नेपालकै पहिलो कम्पनी टिजिग भएको दाबी समेत गरे ।

विश्व स्वास्थ्य संगठन (डब्लुएचओ) को स्ट्याण्डर्ड, नेपालको प्रविधि हस्तान्तरणसम्बन्धि ऐन र औषधि उत्पादन निर्देशिकामा आधारित भई क्यान्सरको औषधि उत्पादन गरेको वैद्यको दावी छ ।  उनले कम्पनीको उत्पादन विश्वस्तरकै रहेको जिकिर समेत गरे ।