बिर्तामोड । झापाको मेचीनगर १४ मा जंगली हात्तीको आक्रमणमा परी एक जनाको मृत्यु भएको छ । विहिबार साँझ भएको आक्रमणबाट भद्रपुर ९ का ६० बर्षीय रामबहादुर बुर्जाको मृत्यु भएको हो ।

मेचीनगर १४ का टंक पौडेलको चिया बगानमा चिया टिप्ने क्रममा हात्तीले बुर्जालाई आक्रमण गरेको र उनको घटनास्थल मै मृत्यु भएको जिल्ला प्रहरी कार्यालय झापाले जनाएको छ । शव पोष्टमार्टमका लागि मेची अस्पताल भद्रपुर पठाउने तयारी भइरहेको प्रहरीले जनाएको छ । आक्रमण पश्चात हात्ती चारआली जंगलतर्फ लागेको बताइएको छ ।