बिर्तामोड । युनियन लाइफ इन्स्योरेन्स कम्पनीले मेची अञ्चलको छ वटा शाखाका शाखा प्रमुखहरु फेरबदल गरेको छ । कम्पनीले बिर्तामोड शाखा प्रमुखमा बद्री भण्डारीलाई ल्याएको छ ।

विमा बजारमा छलाङ मारिरहेको युनियनले व्यवसायलाई आक्रामक बनाउन प्रमुखहरुको फेरबदल गरेको बताइएको छ । अधिकांश विमा कम्पनीको शाखा कार्यालय रहेको र व्यवसायको उच्च सम्भावनाको रुपमा हेरिएको बिर्तामोड शाखा प्रमुखमा बद्री भण्डारीलाई ल्याएको छ । भण्डारीले आइतबारबाट बिर्तामोडमा जिम्मेवारी सम्हाल्दै छन । उनी कम्पनीको बुधबारे शाखा प्रमुखको रुपमा स्थापना कालदेखि कार्यरत थिए ।

युनियनले फिदिम शाखा प्रमुखमा घनेन्द्र रिजाल, इलाम शाखा प्रमुखमा प्रवेश पराजुली र काँकरभिट्टा शाखा प्रमुखमा लक्ष्मी न्यौपानेलाई नियुक्त गरेको छ । कम्पनीले फिदिम शाखा प्रमुख ओम खतिवडालाई वुधबारे, बिर्तामोडका मिलन पौडेललाई दमक र दमकका प्रमुख सुर्य सापकोटालाई इटहरी सरुवा गरेको जनाएको छ ।