मोरङ । पूर्व पश्चिम सडक खण्ड अन्तर्गत मोरङको उर्लाबारी नगरपालिका ४ आईतबारेमा बसको ठक्करबाट मोटरसाइकल चालकको मृत्यु भएको छ । मृत्यु हुनेमा सोही स्थानका ७२ बर्षीय नगेन्द्रप्रसाद ढुङ्गाना रहेको प्रहरीले जनाएको छ ।

आज दिउसो साढे १ बजे पूर्वबाट पश्चिम तर्फ जादै गरेको को १ ख ७८२८ नम्बरको यात्रु बाहक बसले विपरीत दिशाबाट आउँदै गरेको प्रदेश१-०२-०४१प ४४०८ नम्बरको मोटरसाईकललाई ठक्कर दिँदा मोटरसाइकल चालक ढुङ्गानाको घटनास्थलमै मृत्यु भएको हो । ठक्कर दिने बस र बस चालक उर्लाबारी नगरपालिका २ का ३७ बर्षीय रुद्र थापा ईलाका प्रहरी कार्यालय पथरीको नियन्त्रणमा रहेको छ । घटनाको बारेमा थप अनुसन्धान भइरहेको ईलाका प्रहरी कार्यालय उर्लाबारीले जनाएको छ ।