बिर्तामोड । युनियन लाइफ इन्स्योरेन्स कम्पनीले झापाको भद्रपुरमा मृत्यु दाबी भुक्तानी गरेको छ । कम्पनीले भद्रपुर ४ का सुदिप शर्मा पोखरेलको परिवारलाई दाबी भुक्तानी बापत १३ लाख रुपैया प्रदान गरेको हो ।

बैदेशिक रोजगारको शिलशिलामा कतारमा कोरोना संक्रमणबाट पोखरेलको गत बैशाख २५ गते मृत्यु भएको थियो । बैदेशिक रोजगारीमा जाँदा पोखरेलले म्यादी जिवन बिमा गरेका थिए । शुक्रबार कम्पनीले मृतक पोखरेलकी श्रीमती अञ्जु राई पोखरेललाई सो रकम हस्तान्तरण गरेको इन्स्योरेन्स कम्पनीका भद्रपुर शाखा प्रमुख निरज निरौलाले जानकारी दिए । 

कार्यक्रममा भुक्तानी रकम ग्रहण गर्दै श्रीमती पोखरेलले बिमाप्रतिको आफ्नो नकारात्मक धारणा बदलिएको बताइन् । बिमा कम्पनीले भुक्तानी दिन ढिलाई गर्छ, बिमित भन्दा बिमकलाई फाइदा हुन्छ भने जस्तो आफ्नो सोँच फेरिएको बताइन । पोखरेलले हरेक नागरिकले विमा गर्न अनिवार्य रहेछ भन्ने आफूलाई लागेको बताइन ।