काठमाण्डौ । श्रमजीवी पत्रकार ऐन कार्यान्वयनको माग राख्दै नेपाल पत्रकार महासंघले चरणबद्ध आन्दोलन थालेको छ । आन्दोलन अन्तर्गत महासंघले पहिलो दिन बुधबार काठमाडौको माइतीघरमा प्रदर्शन गरेको छ । सञ्चारमाध्यमहरुमा लामो समयदेखि श्रम समस्या रहेको छ ।

पत्रकार तथा सञ्चारकर्मीहरूलाई लामो समयदेखि तलब नदिने, घटुवा गर्ने, संस्थाबाट निकाल्ने गरेकाले त्यस्ता संस्थालाई दबाब दिन आन्दोलन शुरू गरेको महासंघले जनाएको छ ।

श्रमसँग सम्बन्धित पारिश्रमिक नपाएका पत्रकार र उनीहरुले काम गर्ने संस्था तथा आवश्यक पर्दा मिडिया मालिकहरुको घरसम्म पुगेर उनीहरुलाई दबाब दिने महासंघको भनाइ छ । पत्रकारहरूका माग सम्बोधन नभएसम्म आन्दोलन जारी राख्ने महासचिव रोशन पुरीले बताए ।