झापा । झापाका चार पालिकामा कांग्रेसले नेतृत्व सर्वसम्मत चयन गरेको छ । सर्वसम्मत नेतृत्व चयन गर्नेमा झापा, कचनकवल, हल्दिबारी र बुद्धशान्ति गाउँपालिका रहेको छन् ।

हल्दिबारी गाउँपालिकामा गङ्गा प्रसाइको नेतृत्व निर्बिरोध समिति चयन भएको छ । मनोनयन दर्तामा भेला भएका ९० प्रतिशत क्षेत्रीय प्रतिनिधिले सर्वसम्मत नेतृत्व चयन गर्न दबाब दिएका थिए ।

कचनकबलमा तुलाराम अधिकारी सभापति, टेकनाथ पौडेल र रोमसम राजबंशी सचिब, सागर राजबंशी र रुद्र उप्रेती सहसचिवमा निर्बिरोध चयन भएका छन् भने उपसभापतिमा ३ जनाको उम्मेदवारी परेको र सहमतिको पहल भइरहेको क्षेत्रीय सचिब गीताप्रसाद भट्टराईले जानकारी दिए ।

यसैगरी झापाको बुद्धशान्तिको सभापतिमा चक्र शेर्मा, सचिबमा कृष्ण खतिवडा र मदन मगर निर्बिरोध भएका छन् । उपसभापतिमा तीन  र सहसचिवमा तीन जनाको उम्मेदवारी दर्ता भएको छ । झापा गाउँपालिकामा यस अघि नै सागीरथ गणेशको नेतृत्वमा निर्बिरोध नेतृत्व चयन भइसकेको थियो ।

भद्रपुरमा नगरपालिकामा सभापतिमा ५, उपसभापतिमा ३, सचिबमा ६, सहसचिवमा ४ जनाको मनोनयन दर्ता भएको छ । अर्जुनधारा नगरपालिकामा सभापति पदमा मात्रै निर्वाचन हुने भएको छ । अन्य पदमा निर्बिरोध नेतृत्व चयन भइसकेको छ । अन्य ११ पालिकामा भने आइतबार निर्वाचन हुने भएको छ ।